**লাগি যায়গি বেঙা**

37 total views, 2 views today

বিদ্যুত রঞ্জন দেবনাথ:-

(ছিলেটর আঞ্চলিক ভাষায় লেখা ছড়া)

দিন অইলে
তাপে ছাতায়
রাইত আব্দুল্লার বাপে,
লগ ধরছে
কান থাকি
ইকিজাতর তাপে ।

নাইতে গেলে
ঘির ঘিরাইয়া
গতরো লাগে পানি,
যর তিত্তা
মুখো লাগে
তল অয় না পানি।

দয়াই খাইলাম
কত জাতর
চৈয়া যায়না কুন্তায়,
হাত হুরুতা
লইয়া হিবায়
পড়ি গেছি চিন্তায় ।

আব্দুল্লার বাপ
তাইন তানোর
আমার খবরো নায়,
বাচঁলে বাচোঁ
নায় মরো
কিতা যায় আয় ।

অতা লইয়াউ
ভাত ছালম
সময়ত না দিলে,
পিঠ ফাটিবো
সান্ডা সান্ডা
বৈশাখ মাইয়া কিলে !

গতরো অইছে
হিঙির বিষ
উঠতে বইতে ধরে,
একতিল বাদে
বাদে খালি
জানো কিতা করে।

হুদ্দা হুদ্দি
আমার লগে
মাথইন টেঙা টেঙা,
বেমার দেখলেউ
আমরা ঘরো
লাগি যায়গি বেঙা ।

কমেন্ট
শেয়ার করুন
  •  
  •  
  •  
  •  
  •  
  •  
  •  
  •